Doorashada Guddoonka Aqalka Sare Oo Goordhaw Billaaban Doonta
Waxaa goordhaw lagu wadaa in ay si toos ah u billaabato doorashada Guddoonka Aqalka sare ee Baarlamaanka 11aad ee Soomaaliya.
Qaban-qaabadii ugu dambeysay ee loogu diyaar garoobayo doorashada ayaa hadda socoto, waxaana hoolka doorashada ku sugan Xildhibaanada oo horay loogu wargaliyay in ay soo xaadiraan si ay u doortaan Guddoonka aqalka sare.
Ammaanka guud ayaa si weyn loo adkeeyay, waxaana Gddoomiyaha Guddiga Doorashada Guddoonka Golaha Aqalka Sare Senator Adam Abdinasir uu horay shaaciyay in maanta ay qabanayaan doorashada, xili uu kormeer ku sameeynayay Hoolka Doorashada Guddoonka Golaha Aqalka Sare.
Guddoonka aqalka sare ayaa waxaa isku diiwaan galiyay Musharrixiin kala duwan,kuwasi oo dhammaantood doonaya in ay ku guulaystaan hoggaaminta Baarlamaanka 11aad ee Aqalka sare.