Atooraha Caanka ah ee Shah Rukh Khan oo loo haysto haweenay dhimatay oo uu Quraan ku tufay

0
165

Atooraha Caanka ah ee Shah Rukh Khan oo loo haysto haweenay dhimatay oo uu Quraan ku tufay

Fanaanada Bollywoodka Lata Mangeshkar, ayaa aaskeeda waxa lagu qabtay beerta Shivaji ee magaalada Mumbai 6-dii Febraayo 2022.

Aaska ayaa waxaa ka soo qeyb galay jilaayaal badan oo caan ah oo uu ku jiro jilaaga weyn ee Bollywood Shah Rukh Khan. Fanaaniinta iyo jilayaasha ka soo ka qaybgalay aaska ayaa isugu jiray Masixiiyiin, Hindu iyo Muslimiin kuwaas oo u ducaynayay haweenayda dhimatay.

Markii la gaaray xilligii uu Shahrukh Khan u ducayn lahaa maydka Lata Mangeshkar, waxa uu ku aqriyay duco oo uu ku dul afuufay jirkeeda.

Balse jilaaga ayaa isla markiiba ficilkiisa waxaa loo badelay inuu aflaagdaynayo ama u gafayo fanaannada geeriyootay taasi oo hadallo badan oo Islaam nacayb ah ka abuurtay baraha bulshada.

Dadkaasi ayaa ku andacoonaya in Shahrukh Khan uu si dhab ah ugu tufay jirkeeda canduf ayna xushmad darro ku tahay Lata Mangeshkar.

Muslimiin badan oo isticmaala baraha bulshadaah ayaa taageero weyn u muujiyay jilaaga iyagoo sheegaya in qofka lagu tufo ay tahay wax caadi ah marka la eego dhanka diinta Islaamka.

“Islaam nacaybka sii kordhaya ayaan xitaa ka tagin jilaaga caanka ah ee Bollywoodka inuu si cad ugu dhaqmo diintiisa.” ayuu yiri mid ka mid ah dadkii jilaaga taageerayay.

LEAVE A REPLY

Please enter your comment!
Please enter your name here