DEG DEG : Xisbiyada Mucaaradka Somaliland Oo Ku Dhawaaqay Isbaheysi Cusub
Xisbiyada Mucaaridka Somaliland ee Waddani iyo UCID ayaa Maanta Magaalada Hargeysa ee Caasimadda uga dhawaaqay isbaheysi siyaasadeed oo cusub, kadib doorashadii 31 bishii May ka dhacday halkaas.
Guddoomiyeyaasha Xsibiyada Waddani iyo UCID Eng. Feysal Cali Waraabe iyo
Cabdiraxmaan Cabdullaahi Cirro oo warbaahinta la hadlay ayaa shaaciyay inay sameeyteen Isbaheysi, iyagoona magacaabay Guddiyo ka kala tirsan labada Xisbi.
Guddiyada ay magacaabeen Cabdiraxmaan Cirro iyo Feysal ayey ku sheegeen inay ku doonayaan la wareegida hoggaaminta Golaha Wakiilada iyo Golaha deegaanka ee degoomyinka Somaliland, kadib markii xalay la shaaciyay natiijadii ugu dambeeysay ee doorashadii dhacday.
Guddiyada ay magacaabeen labada xisbi ee Waddani iyo UCID ayaa ka kooban 10-xubnood, waxaana xisbi kasta ka socda 5-xubnood, kuwaasi oo ka shaqeyn doona Arrimaha hoggaaminta Golayaasha Wakiilada iyo deegaanka ee degoomyinka.
Ku dhawaaqista Isbaheysiga cusub oo ay sameeysteen Guddoomiyeyaasha Xsibiyada Waddani iyo UCID ayaa ku aaday, iyada oo xalay shaaciyay natiijadii ugu dambeysay ee doorashada Golaha Wakiilada iyo deegaanka.
Hoos ka Akhriso Magacyada xubnaha Guddiyada ee la magacaabay.
