QM Iyo Midowga Yurub Oo War Kasoo Saaray Dhacdooyinka Ka Socda Tuunis
Qaramada Midoobey ayaa ugu baaqday dhammaan dhinacyada siyaasiyiinta ee dalka Tuunis inay ka fogaadaan rabashad iyo in dalka uu galo fowdo.
Afhayeenka xoghayaha guud ee Qaraamda Midoobe Farxaaan Xaq ayaa sheegay in Qaramada Midoobey ugu baaqeyso dhinacada isku khilaafsan siyaasadda dalkaTuunis inay xaaladda dejiyaan kuna dhamaeeyaan khilaafka jira si xigmadeysan .
Afhayeenka ayaa ka gaabsaday inuu afgenbi ku tilmaamo wixii xalay ka dhacay dalka Tuunis. Dhinaca kale, Midowga Yurub ayaa ugu baaqay madaxda Tuunis in la ixtiraamo dastuurka iyo sharciyada u yaal dalka.
Nabiila Misraali oo u ah Midowga Yurub afhayeen ayaa sheegtay in ururka Midowga Yurub si hoose ula socda dhacdooyinkii ugu danbeeyay ee dalka Tuunis.
Madaxweynaha Tuunis ayaa xalay xilka ka qaaday ra’iisal wasaarihii dalkaas. Isagoo sidoo kalena joojiyay dhamaan howlihii baarlamaanka dalkaas
Madaxweyne Qeys Saciid ayaa maanta sidoo kale xilka ka qaaday wasiirada caddaladda iyo difaaca ee dalkaas.