Xamaas oo War Kaso Saartay Xabad Joojinta la Qorshaynayo

0
332

Xamaas oo War Kaso Saartay Xabad Joojinta la Qorshaynayo

ymaha cirka ah ayay saakay aroortii diyaaradaha Israa’iil ka geysteen dhismooyin ku yaalla Gaza.

Xooggaga Falastiiniyiinta ayaa ku jawaabay gantaallo ay ku rideen gudaha Israa’iil.
Dagaalka Gaza ayaa bilowday kaddib toddobaadyo ay sii xoogeysatay xiisadda Israa’iil iyo Falastiiniyiinta u dhaxaysa ee ka taagan Bariga Qudus, taas oo sababtay heer ay labada dhinac ku dagaallamaan goob ay Muslimiinta iyo Yuhuudduba u aqoonsan yihiin inay barakeysan tahay. Xamaas, oo maamusha Gaza, ayaa bilowday inay ganto gantaallo kaddib markii ay Israa’iil uga digtay inay aaggaas isaga baxaan, taas oo horseedday duqeymo dhanka cirka ah oo aargoosi ah.
Ugu yaraan 227 qof, oo ay ku jiraan in ka badan 100 haween iyo carruur ah, ayaa ilaa iyo hadda lagu dilay Gaza, sida laga soo xigtay wasaaradda caafimaadka halkaas. Israa’iil ayaa sheegtay in ugu yaraan 150 dagaal-yahanno ah ay ku jiraan kuwa lagu dilay Gaza. Xamaas ma aysan bixin xog ku saabsan tirada askarta uga dhimatay dagaalka.

Gudaha Israa’iil ilaa 12 qof, oo ay ku jiraan labo carruur ah, ayaa lagu dilay, sida ay sheegtay waaxda caafimaadka. Israa’iil ayaa sheegtay in ilaa 4,000 oo gantaallo ah ay xooggaga ku sugan Gaza ku tuureen gudaha dalkaas.

Muxuu yiri sarkaalka Xamaas?
“Waxaan u maleynayaa in dadaallada socda ee la xiriira xabbad-joojinta ay guuleysan doonaan,” Muusa Abu Marzuuk, ayaa sidaas u sheegay Telefishinka al-Mayadeen ee Lubnaan laga leeyahay.

“Waxaan filayaa in xabbad-joojin lagu gaari doono maalin ama labo maalin gudahood, xabbad-joojintuna waxaa lagu saleyn doonaa heshiis labada dhinac ah.”
Hadalkan ayaa ku soo aadaya iyadoo uu sii xoogeysanayo cadaadiska beesha caalamka ee lagu saarayo Israa’iil iyo xooggaga Falastiiniyiinta inay soo afjaraan dagaalka u dhexeeya.

Ilo dhanka ammaanka ah oo Masar ah ayaa wakaaladda wararka ee Reuters u sheegay in labada dhinac ay isku raaceen xabbad-joojin kaddib garab ay ka heleen dhexdhexaadiyeyaasha balse wada xaajoodyada ayaa weli socda.
Shalay, Madaxweyne Biden ayaa wadahadalkii afaraad ee dhanka telefoonka la yeeshay Netanyahu tan iyo intii uu dagaalku bilowday.

Warsaxaafadeed uu soo saaray Aqalka Cad ayaa lagu yiri: “Madaxweynaha wuxuu ra’iisul wasaaraha u sheegay inuu rajeynayo in maanta la dejiyo xiisadda si loo gaaro xabbad-joojin”

Isku daygii ugu dambeeyay ee Golaha Ammaanka ee Qaramada Midoobay ee ku baaqaya xabbad-joojin, kaas oo uu bilaabay Faransiiska, ayaa guul darreystay shalay markii uu Mareykanku sheegay in laga yaabo “in isku daygaasi uu wiiqo dadaallada dejinta xiisadda”.

 

bbc

LEAVE A REPLY

Please enter your comment!
Please enter your name here