Dowladda Kenya Oo Joojisay Dhammaan Duulimaadyada Soomaaliya

0
308

Dowladda Kenya Oo Joojisay Dhammaan Duulimaadyada Soomaaliya

Dowlada Kenya ayaa saakay hakisay dhammaan duulimaadyada diyaaradaha taga kana yimaada dalka Soomaaliya, marka laga reebo diyaararadaha Qaramada Midoobay iyo kuwa gargaarka.

Warbaahinta Kenya ayaa ku warrantay in dowladda joojisay duulimaadyada Soomaaliya, isla markaana waxaa saaka la hakiyey diyaarado dad shacab ah waday oo ku soo socday Magaalada Muqdisho ee Caasimada dalka

Tallaabadaan ay qaaday Kenya ayaa saamayn weyn ku keeni karta dhaq-dhaqaaqa dadka ee labada dal iyo diyaarado gudaha Soomaaliya ka shaqeeya oo ka diiwaangashan dalka Kenya.

Hay’adda duulimaadka Rayidka Soomaaliya ayaa maalin kahor sheegtay in aan la fasaxin Qaadka ka imaan jiray Kenya, kuna wargelisay dhammaan shirkadaha diyaaradaha Soomaaliya in keenista qaadka Miraa ay mamnuuc ka tahay dalka.

Dowladda Federaalka Soomaaliya ayaa khamiistii lasoo dhaafay ku dhawaaqday inay dib u soo celisay xiriirkii diblomaasiyadeed ee kala dhexeeyay dowladda Kenya, kadib markii labada dal heshiis gaareen, kaasi oo ay ka shaqeysay dowladda Qatar.

LEAVE A REPLY

Please enter your comment!
Please enter your name here