Trump oo ogolaaday in la bilaabo howsha uu xilka kula wareegayo Biden
Donald Trump ayaa ogolaaday inuu bilaabo howsha uu xafiiska kula wareegi lahaa Madaxweynaha la doortay ee Mareykanka Joe Biden.
Maamulka Adeegyada Guud (GSA) ayaa qoraal ay u direen Joe Biden waxay ku caddeeyeen inuu Biden yahay guuleysataha xilka Madaxweynaha, isla markaana ay bilaabayaan howsha xil wareejinta.
Donald Trump ayaa faray Hey’addaha federaalka inay si rasmi ah u billaabaan marxaladda xil wareejinta.
Sidoo kale waxaa uu ugu baaqay Kooxda Joe Biden inay dhankooda guda galaan howsha looga baahan yahay xil wareejinta.
Trump ayaa muddooyinkii u dambeeyay cadaadis kala kulmayay xubnaha sar sare ee aadka ugu dhow, iyagoo ka dalbanayay inuu aqbalo natiijada doorashada oo uu aad u diidanaa.