Ruushka oo Xuutiyiinta la galay heshiis ka nixiyey reer Galbeedka
Ruushka ayaa soo gabagabeynaya heshiis uu la galayo kooxda Xuutiyiinta Yemen kaasoo ay in mudo ah ka shaqeyneysay Iran
Heshiiskan ayaa u oggolaanaya maraakiibka Ruushka inay si nabad ah ku maraan badda cas, iyadoo heshiiskan la aaminsanyahay inay Xuutiyiinta ku beddelanayaan hub iyo tiknoolajiyadda Ruushka oo gacan ka siinaya inay xoojiyaan awoodooda difaac.
talaabadan ayaa ku soo beegantay xili Mareykanka uu sheegay dhowaan inuu ballaarinayo howlgalka uu kula dagaallamayo Xuutiyiinta Yemen.
Ergayga gaarka ah ee Mareykanka u qaabilsan Yemen, Tim Lenderking ayaa toddobaadkii hore la kulmay inta badan hoggaamiyayaasha Carabta ee bariga dhexe, kullamadaasoo lagu sheegay inuu la wadaagay qorshaha Mareykanka uu ku doonayo ballaarinta howlgalka Xuutiyiinta.
Ma cadda nooca ballaarinta howlgalka xilli Mareykanka iyo xulafada galbeedka ay ku guul-darraysteen inay xakameeyaan weerarrada iyo awoodda militari ee Xuutiyiinta oo hadda sare martay.