DAAWO : Gudoomiye Ciro Oo Dalka Si Balaadhan Loogu Soo Dhaweeyey Kana Hadley Heshiiskii Shalay Ee Labada Xisbi Iyo Madaxtooyada Cusub
Hargeysa (Dalmar-News):- Gudoomiyaha xisbiga mucaaridka ah ee Waddani Cabdiraxmaan Ciro ayaa maanta dalka si balaadhan loogu soo dhaweeyey kadib safar uu muddo ugu maqnaa dalka dibadiisa .
Gudoomiye Ciro ayaa si adag uga Hadley heshiiskii ay shalay arimaha doorashooyinka ka gaadheen xisbiyada Kulmiye iyo UCID waxaana uu sheegay in labadaas xisbi ay anbadeen isla markaana aaney suurto gal marnaba noqon doonin in masiirka Somaliland laba xisbi ka go,aan gaadhaan
“ Shalay Labadii Xisbi Ee Kulmiye Iyo UCID waxay soo saaren wax ay heshiis ku sheegeen go,aan kaasi muu aheyn , waxaynu ku macneen karnaa oo kaliya in uu ahaa shahaadadii dhimashada ee dimuqraadiyada Somaliland , waxaana aannu u sheegaynaa in aaney si naba suurto gal u noqon inay laba xisbi yidhaah-daan anaga ay masiirka Somaliland ka go,aan gaadheynaa intay gaar u tashadaan “ ayuu yidhi
Sidoo kale Gudoomiye Ciro waxaa uu si kulul uga Hadley dadka laga qaadey dhulka laga dhisaayo madaxtooyada cusub iyo dhibaatooyin xun oo xukuumadu ku hayso saxaafada madaxa banaan .
Halkan Hoose Ka Daawo Muuqaalka Warkan:
https://www.youtube.com/watch?v=keE1gvoQwy0