Wiil uu dhalay Qadaafi oo lagu sii daynaayo dammaanaad lacageed oo gaaraysa $11 Milyan
Maxkamad ku taalla Dalka Lubnaan ayaa amartay in damaanad lagacageed lagu sii dayn karo Wiilka uu dhalay Hoggaamiyihii hore ee Liibiya Mucammar Qadaafi ee lagu magacaabo Hannibal Gaddafi oo muddo ku dhowaad 10 sano ku xirnaa xabsi gaar ah.
Garsoore katirsan Dalka Lubnaan ayaa amarkaan bixiyay si uu Hannibal dib ugu helo xorriyaddiisa maadaama waqti dheer uu xirnaa, waxaa lagu soo rogay xayiraad safar oo uusan meelna uga bixi Karin Dalkaas uu ku xiran yahay ee Lubnaan.
Wakaaladda Wararka Lubnaan ayaa sheegtay in go’aanka Damiinka ah ee kasoo baxay Xafiiska kiiskaan gacanta ku haya uu muujinayo sida ay u go’aansadeen sii daynta iyada oo la xadidayo dhaqdhaqaaqa wiilkaan uu dhalay Mucammar Qadaafi.