Cumaan iyo Masar oo dib u billaabaya wadahadallada Maraykanka & Iiraan
Dalalka Cumaan iyo Masar ayaa xoogga saaraya sidii ay dib ugu billaabi lahaayeen wadahadallada joogsaday ee Maraykanka & Iiraan, maalmihii lasoo dhaafay waxaa socday bisayl siyaasadeed oo Washington iyo Tehran ay u qabaan wadahadalkooda.
Wasiirrada Arrimaha Dibadda Cumaar & Masar oo la hadlay dhiggooda Iiraan ayaa u sheegay in ay dib u billaabayaan wadahadallada si loo gaaro xalka kama dambaysta ah ee lagu soo afjarayo colaadda Bariga Dhexe sida hadalka loo dhigay.
Masar & Cumaan ayaa soo jeediyay in wadahadalka cusub uu ka duwanaado wadaxaajoodkii hore maadaama is fahamkii hore uu kusoo dhammaaday guuldarro in Maraykanka iyo Iiraan ay ku guuldaraysteen ilaalinta xabbad-joojintii la gaaray.
Madaxweynaha Maraykanka, Donald Trump ayaa dhowaan sheegtay in dhul cusub oo dalkiisa uu leeyahay uu yahay Marinka Hormuz, tallaabadaas waxa ay ka caraysiisay Iiraan oo kordhisay howlgallada ka dhanka ah Maraakiibta halkaas ku xayiran.