Doorashada Madaxweynaha & ku xigeenka Maamulka Waqooyi bari oo maanta Qabsoomayso
Magaalada Laascaanood xarunta Gobolka Sool waxaa maanta ka dhacaysa Doorashada Madaxweynaha iyo ku xigeenka Maamulka Waqooyi bari oo ay u tartamayaan musharrixiin qaadatay shahaadada u ogolaaneysa in ay tartamaan.
Saacadihii lasoo dhaafay waxaa Magaalada Laascaanood ku kulmay Musharrixiinta iyo Xildhibaannada Golaha Wakiillada Maamulka Waqooyi bari si mid weliba uu u xoojiyo kala xod-xodashada uu codka uga raadsanayo.
Magaalada Laascaanood ayaa xalay Bandoow gashay, waxaa la joojiyay isu socodka Dadka iyo Gaadiidka marka laga reebo Gawaarida loo fasaxay in ay socon karaan oo ay adeegsanayaan mas’uuliyiinta & musharrixiinta.
Xilka Madaxweynaha Maamulka Waqooyi bari waxaa u tartamaya 5 musharrax oo kala ah:
Cabdiqaadir Axmed Aw Cali (Firdhiye), Jamaal Maxamed Xasan, Cabdirisaaq Khaliif Axmed, Rashiid Faarax Maxamuud iyo Maxamuud Yuusuf Xasan.
Madaxweyne ku xigeenka waxaa u tartamaya:
Cumar Daahir Xasan, Cabdirashiid Yuusuf Jibriil (Abwaan), Cabdirisaaq Maxamed Jaamac, Cabdisataar Sheekh Cismaan Cumar iyo Maxamed Cabdi Bullaale.