Ruushka Oo Hawada Sare Ku Xiray YouTuber Caan Ah Iyo Sababta Loo Xidhay
YouTuber u dhashay dalka Ingiriiska, ayaa lagu xiray xarun hawada sare ah oo uu Ruushku maamulo oo ku taal Kazakhstan, sida ay saraakiishu sheegeen.
Benjamin Rich, oo caan ku ah kanaalka socdaalka ee Bald and Bankrupt, ayaa laga qabtay xarun ku taalla Baikonur Cosmodrome, sida uu sheegay madaxa wakaaladda hawada sare ee Ruushka Roscosmos.
Dmitry Rogozin ayaa sheegay in Mr Rich lagu samaynayo baaritanno la xirriira “falal sharci darrada ah oo uu gaystay”. Xafiiska Arrimaha Dibadda UK ayaa dhankiisa sheegay in ay baarayaan sababta loo xiray Mr Rich.
Haweeney lagu magacaabo Alina Tseliupa oo la sheegay inay ka timid Belarus ayaa sidoo kale la qabtay. Labadan qof ayaa lagu hayay waaxda arrimaha gudaha ee Baikonur, oo qiyaastii 1,100 km (680 mayl) koonfur-galbeed ka xigta caasimadda Kazakhstan ee Nuur-Sultan.
Kanaalka YouTube-ka ee Mr Rich, ayaa waxaa ku xiran dad ka badan 3.5 milyan oo qof.
Dhammaan duullimaadyada saldhigga hawada sare ee isticmaalaya gantaallada Ruushka waxaa laga soo duuliyay Baikonur Cosmodrome, taas oo u furan dalxiisayaasha ogolaanshaha ka haysta Roscosmos.
Dhismaha dayax-gacmeedka ayaa ah meeshii ugu horreysay ee dayax-gacmeedkii ugu horreeyay, Sputnik 1, laga diray 1957-kii.