Puntland Oo Maanta Xukun Ku Riday Rag Kufsi Iyo Dil U Geystay Gabar Yar
Maxkamadda darajada koowaad ee Gobolka Bari ayaa waxaa Maanta waxaa la horgeeyay laba Nin oo lagu eedeeyay inay kufsi iyo dil duleedka Magaalada Boosaaso ee Xarunta Gobolka Bari ugu geysteen gabar yar oo kamid aheyd dadka deegaanka.
Raggaas lasoo qabtay aya qirtay inay dileen gabar lagu magacaabi jiray Naciimo Cabdi Maxamed oo meydkeeda laga helay xaafadda Raf iyo Raaxo ee Boosaaso, isla markaana si arxan darro ah ku dilay, taas oo meydkeeda laba maalin yaallay Isbitaalka Magaaladaas.
Maxkamadda Gobolka Bari ayaa labadaas nin oo lagu kala magacaabo Maxamed Cabdi Farreey iyo Cabdiraxmaan Maxamed Isaaq ku riday xukun Dil toogasho ah, kadib markii ay si Cad u sheegeen inay kufsadeen, kadibna ay dileen Marxuumad Naciima.
Laamaha amniga Gobolka Bari ayaa xalay raggaan kusoo bandhigay saldhiga Booliska Magaalada Boosaaso, waxaana lagu soo qabtay howlgal ballaaran oo ay sameeyeen Ciidanka amniga Puntland.
Maamulka Puntland ayaa horey xukuno isugu jiray Dil toogasho iyo xabsi ku riday rag dhowr ah oo horey deegaanada Puntland uga geystay falal kufsi iyo dil, waxaana xukunka Maxkamadda ay ku riday ragii Maanta soo dhaweeyay dadka Boosaaso.