Madaxweynaha Ruushka oo sheegay in kordhiyeen soo saarista hubka Nukliyeerka
Madaxweyne Vladimir Putin ayaa sheegay in 100 diyaaradaha aan duuliyaha lahayn iyo 90 gantaal lagu garaacay Ukraine labadii maalmood ee la soo dhaafay, taasi oo uu sheegay in ay uga jawaabeen weeraro ay ku soo qaadeen gudaha Ruushka.
Putin ayaa hadalkan ka sheegay shir ay lahaayeen isbaheysiga amniga ee dalalkii hore ee Soofiyeedka oo ka dhacay caasimadda Kazakhstan ee Astana.
Waxa uu sidoo kale ka hadlay adeegsiga Ruushka ee gantaalka ballistic-ga ee riddada dhexe ee Oreshnik usbuucii hore ku dhacay magaalada Dnipro ee Ukraine.
Putin ayaa u sheegay shir madaxeedka Ururka Amniga Wadajirka ah (CSTO) in Ruushku uu bilaabay soo saarista iyo dardar galinta hubka nukliyeerka ah.
“Waxaan Bartilmaameydsan doona dhammaan xarruumaha muhiimka ah ee laga soo abaabulo weerarada Ukraine sida Wasaaradda Difaaca, annaga oo adeegsan doona hubka ridada dheer” ayuu yiri Madaxweyne Putin.