Labo tareen oo fooda isdaray iyo dad badan oo ku dhamaaday
Laba tareen oo isku dhacay Giriiga ayaa dilay ugu yaraan 32 qof 85 kalena waa ay ku dhaawacmeen habeenkii xalay, kooxda dab-damiska ayaa sheegtay ineysan weli cadeyn sababta shilkan oo lagu tilmaamay shilkii tareen ee ugu dhimashada badnaa ee Giriiga ka dhaca muddo tobanaan sano ah n.
Tareen rakaab ah oo ka soo baxay Athens kuna socday waqooyiga magaalada Thessaloniki ayaa si xawli ah ugu dhacay tareen xamuul ah meel ka baxsan magaalada Larissa ee bartamaha Giriiga, ayuu yiri gudoomiyaha gobolka Thessaly.
Saamayntan ayaa sababtay in uu dab ka kaco tiro ka mid ah qeybaha tareenka, kaasoo gubay dad badan oo rakaab ahaa kuwaasoo loola cararay cusbitaalada.
“Waxaan maqalnay jug weyn, (waxay ahayd) 10 ilbiriqsi oo qarow ah,” ayuu yiri Stergios Minenis, oo ah 28 jir rakaab ah oo ka booday si badbaado leh.
“Gaadhigii ayaanu ku rogmanaynay ilaa aanu dhinacayada ka dhacnay…kadib waxa dhacay argagax, fiilooyinka (meel walba), dabku markiiba waa uu kacay, markii aanu roganayna waa nala gubayay, dabkuna midig iyo bidix ayuu ahaa.
Badhasaabka gobolka Thessaly Konstantinos Agorastos ayaa u sheegay TV-ga SKAI in afartii gaadhi ee ugu horeysay ee tareenkii rakaabka ahaa ay shilku ka jareen, halka labadii qeybood ee ugu horeeyay ee dab qabsaday ay “ku dhawaad gabi ahaanba burbureen”.
Waxa uu sheegay in labada tareen ay isku dhufteen hal waddo oo isku mid ah.
“Waxay ku socdeen xawli aad u sarreeya, midna (darawal) ma ogeyn kan kale inuu ku soo socdo,” ayuu yiri guddoomiyaha.
Waxay ahayd sida dhulgariir oo kale,” Angelos Tsiamouras, oo rakaab kale ah, ayaa u sheegay ERT.
Baahinta SKAI ayaa soo bandhigtay muuqaallada gawaarida go’ay, oo ay si xun u burbureen dariishadaha iyo qiiq qaro weyn, iyo sidoo kale qashin daadsan hareeraha wadada. Shaqaalaha gurmadka ayaa la arkayay iyaga oo sita toosh ku socda gawaari ay ku baadi goobayeen rakaab go’doonsan.
“Dad-gureynta rakaabka waxay ku socotaa xaalad aad u adag marka loo eego darnaanta isku dhaca labada tareen,” afhayeenka dab-damiska Vassilis Varthakogiannis ayaa ku sheegay ciwaan laga sii daayay telefishinka.
Saacadihii hore ee Arbacada, muuqaallada laga soo duubay baahinta dawladda ee ERT ayaa muujinayay shaqaalaha samatabbixinta oo wata nalal horudhac ah oo ka baaraya burburka iyo meelaha ku xeeran dadka badbaaday.
“Waxaan ku nool nahay masiibo, waxaan soo saareynaa dad nool, kuwa dhaawacmay…waxaa jira meydad. Waxaan halkaan joognaa habeenkii oo dhan, ilaa aan dhameyno, ilaa aan ka helno qofka ugu dambeeya,” shaqaale samatabbixin ah ayaa u sheegay ERT. baahinta gobolka.
Warbaahinta maxalliga ah ayaa sheegtay in qiyaastii 350 qof ay ku safrayeen tareenka rakaabka ah, kaasoo ka ambabaxay Athens abbaare 7.30 fiidnimo (0530 GMT). Dabdamiska ayaa sheegay in lagu wargeliyay shilka wax yar ka hor saqdii dhexe ee Talaadadii. Tareenka xamuulka ayaa ka yimid Thessaloniki kuna socday Larissa.
Sanadkii 1972, 19 qof ayaa ku dhintay ka dib markii laba tareen ay isku dhaceen meel ka baxsan Larissa