Israa’iil oo Gaza ku xasuuqday in ka badan 84 ruux oo 50 kamid ah Carruur ah
Ciidanka Israa’iil ayaa kordhiyay xasuuqa ay ka geysanayaan Dhulka Falastiin iyada oo saacadihii lasoo dhaafay hub culus ku garaacay Xeryo barakac oo ku yaalla Waqooyiga Magaalada Gaza oo iska caabbin adag kala kulmeen ciidankaas.
Xogta laga helayo Dadka dhintay iyo kuwa dhaawacmay ayaa sii korodhay, ugu yaraan 80 ruux oo 50 kamid ah Carruur yihiin ayaa ku geeriyootay duqeymaha Ciidanka Yuhuudda ay ku beegsadeen Waqooyiga Magaalada Gaza.
Muuqaallo iyo sawirro lagu soo bandhigay Warbaahinta waxaa ka muuqda carruur da’doodu aad u yahay oo qaarkood jirkooda go’go’ay kaddib markii hubka culus ee Israa’iil ku tuurtay waxyeelladaas kasoo gaartay.
Dadkii ka badbaaday weerarkaan Yuhuudda ay geysatay ayaa sheegay in dhibaato maskaxeed ay kasoo gaartay maadaama hubkaas uu ahaa mid aad u culus oo xitaa markii uu ku dhacay xerada dad badan ay neefta qabatay.
La soco wixii kasoo kordha