Guddoomiyaha Midowga Afrika oo Muqdisho kusoo wajahan
Guddoomiyaha Ururka Midowga Afrika Maxamuud Cali Yuusuf iyo wafdi uu hoggaaminayo ayaa maanta kusoo wajahan Magaalada Muqdisho sida ay Mustaqbal u sheegeen ilo kala duwan oo ku dhow safarkiisa.
Ujeedka safarka Maxamuud Cali Yuusuf ee Magaalada Muqdisho waa in uu kulamo la qaadan doonno Madaxda Dowladda Federaalka, Wakiillada Midowga Afrika ee Caasimadda ku sugan iyo u kuurgalidda Amniga iyo Siyaasadda Soomaaliya.
Madaxda sare Dowladda Federaalka Soomaaliya & Guddoomiyaha Midowga Afrika Maxamuud Cali Yuusuf waxa ay kawada hadlayaan kaalinta Ciidanka AUSSOM ay ka qaadan karaan howlgallada socda iyo garab istaagga AU ee la dagaalanka AS.

Dowladda Federaalka Soomaaliya ayaa kaalmo hagar la’aan gelisay sidii Maxamuud Cali Yuusuf uu ugu guuleysan lahaa kursigaan Guddoomiyaha Midowga Afrika oo ugu dambeyn uu ka adkaatay musharrixii ka socday Kenya ee Raila Odinga.
La soco wixii kasoo kordha