Diyaarado Sida Ciidamo Oo Ka Degay Magaalada Dhuusamareeb
Garoonka diyaaradaha Magaalada Dhuusamareeb ayaa saakay waxaa ka degay diyaarado siday Ciidamo ka tirsan kuwa Booliska dowladda ee sida gaarka u tababaran ee Harmacad.
Wariyeyaal ku sugan Magaalada Dhuusamareeb ayaa waxaa ay sheegeen in laba diyaaradood oo sida Ciidamo ka tirsan dowladda ay kasoo degeen Garoonka, kuwaasi oo gaarayay ilaa iyo 100 Askari, iyadoona la geeyay Xarumaha dowladda ee halkaas.
Ciidamada ayaa la xaqiijiyay inay ka qeyb qaadan doonaan sugida amniga Dhuusamareeb, iyagoona ku biiraya Ciidamadii horey dowladda Federaalka halkaas ay u geysay
Dhinaca kale Madaxa Xukuumadda Galmudug Sheekh Maxamed Shaakir iyo Macalin Maxamuud Sheekh Xasa ayaa shalay Ciidamo taabacsan ku booqday duleedka Magaalada Dhuusamareeb.
Dhuusamareeb ayaa dhawaan waxaa lagu wadaa inay dhacdo Doorashada Guddoomiyaha Baarlamaanka iyo mida Madaxweynaha Galmudug, arrimaha doorashooyinka gacanta ay ku heyso dowladda Federaalka Soomaaliya.