Dab ku faafaya qeybo kamid ah magaalada Los Angeles ee dalka Mareykanka
In ka badan 100 kun oo ruux ayaa ka barakacay Dab xooggan oo ka kacay magaalada Los Angeles, ee gobolka California, kaasoo sababay khasaare isugu jira dhimasho iyo dhaawac.
Dabkan ayaa ka dhashay cimilada iyo dabaylaha xooggan ee gobolka ka jira, taas oo keentay in dabka si degdeg ah u faafo.
Waxaa la sameeyay dadaallo badan oo loogu talagalay in dabka lagu xakameeyo, waxaana ciidamada dab-damiska ee Los Angeles iyo kuwa gobolka California ka shaqeynayaan sidii ay u badbaadin lahaayeen dadka iyo hantida.
Ilaa hadda waxaa la xaqiijiyay in shan ruux ay ku geeriyoodeen, tiro intaasi ka badan ay ku dhaawacmeen dabka xooggan.
Dabkan ayaa saameyn ku yeeshay deegaanno dhowr ah, iyadoo dad badan ay u baahdeen in laga saaro guryahooda.
Los Angeles iyo guud ahaan gobolka California ayaa waxaa ka jira xaalado dabyo xooggan, waxaana shacabka looga digayay in ay halkaasi ka barakacaan.