Cabdiraxmaan Cirro oo Wasiirradiisa ku cadaadinaya wax ka qabashada waxyaabihii uu ku eedeyn jiray Muuse Biixi
Madaxweynaha Somaliland Cabdiraxmaan Maxamed Cabdullaahi Cirro ayaa Wasiirradiisa faray in ay wax ka qabtaan daldalooladii uu ku dhaliili jiray Xisbiga Kulmiye iyo Madaxweynihii ka horreeyay ee Muuse Biixi Cabdi.
Cabdiraxmaan Cirro ayaa sheegay in howsha ugu horreysa in ay noqon doonto wax ka qabashada dhibaatooyinka dhinaca Maamulka, Maaliyadda iyo adkeynta amniga oo ah meelaha ugu badan ee laga eegayo Xukuumaddiisa.
Cirro ayaa rajo ka muujiyay in Wasiirradiisa ay si hufan shaqada ula wadaan isla markaana kala shaqeeyaan ka gudubka culeyska kahor imaan kara si aanay loo helin fursado lagu dhaliili karo sida uu horay u sameyn jiray oo kale.
Indhaha ayaa ku jeeda waxqabadka boqolka maalmood ugu horreeya Xukuumadda Madaxweyne Cabdiraxmaan Maxamed Cabdullaahi Cirro, waxa uu si joogta ah ula kulmaa Wasiirradiisa si uu uga xog qaato.