Muuse Biixi oo ugu dambeyn u hambalyeeyay Madaxweynaha ka guuleystay ee Cabdiraxmaan Cirro
Muuse Biixi Cabdi oo in ka badan 24 saac ka aamusnaa Natiijada kasoo baxday Guddiga Doorashooyinka ee looga adkaaday ayaa u mahadceliyay Musharraxa ka guuleystay Cabdiraxmaan Maxamed Cabdullaahi Cirro.
Biixi oo Khudbad macsalaameyn ah jeediyay ayaa sheegay in uu dhinac taagan tahay Madaxweynaha 6aad ee Somaliland ee uga guuleystay Doorashadii ay kuwada tartameen 13kii Nofeembar 2024.
“Waxa aan u hambalyeynayaa Madaxweynaha la doortay ee Cabdiraxmaan Maxamed Cabdullaahi Cirro, waxa aan ballanqaadayaa in aan si buuxda u garab istaago” Ayuu Muuse Biixi Cabdi, Madaxweynihii 5aad ee Somaliland.
Xisbiga Muuse Biixi Cabdi ee Kulmiye oo muddo dheer hayay hab maamulka Somalilandk ayaa baneenaya xafiisyada kala duwan ee Maamulkaas, Waddani oo guuleystay ayaa laga doonayaa in uu soo dhiso Hay’ado awood buuxda u leh in ay qabtaan shaqooyinka horyaalla.