Caamir Muusa “Israa’iil waxa ay damacsan tahay in ay qabsato qayb kamid ah Masar & Sacuudiga”
Xoghayihii hore ee Ururka Jaamacadda Carabta Caamir Maxamed Muusa ayaa sheegay hadal aad u dhaliyay falcelin badan oo ka timid shucuubta Waddamada Masar iyo Sacuudiga kaddib markii uu tilmaamay in qorshaha Israa’iil uu yahay in ay qabsato qaybo kamid ah Dalalkaas.
Caamir ayaa shaaciyay in marka la eego dedaallada ay u xusul duubeyso Israa’iil iyada oo kaashaneysa Isbaheysigeeda oo ugu weyn yahay Maraykanka in ay dooneyso sidii ay isugu fidin lahayd dhulka Dalalka Carabta ee mustaqbalka saameynta ku yeelan kara.
Shucuubta labada Dal waa Masar iyo Sacuudiga ayuu Caamir Muusa ku wargeliyay in ay ka feejignaadaan halistaas oo haddii ay ku dhex abuuranto ama deris lasoo noqoto saameynta taban ku reebi karta jiritaankooda.
“Dheeraatayaa ama dhawaatayaa, Israa’iil waxa ay damacsan tahay in ay qabsato qayb kamid ah Dhulalka Masar & Sacuudi Carabiya, Yuhuuddu waxa ay Masaarida waydiisatay dhul gaaraya 2 Kiilo-mitir, taasi waxa ay muujineysaa sida ay u dooneyso in si tartiib-tartiib ah ugu soo siqdo Soohdinta” Caamir Muusa, Xoghayahii hore ee Ururka Jaamacadda Carabta.
Dhaqdhaqaaqa Siyaasadeed ee Israa’iil ay kawado Bariga Dhexe ayaa abuuray dood culus oo la xiriirta sida ay u dooneyso in ay isku fidiso Dalalka ku hareereysan ee Carabta ah oo qaarkood kol hore heshiis socon waayay la gashay.