Ra’iisul Wasaaraha Israa’iil Benjamin Netanyahu oo ka badbaaday isku day Dil
Ra’iisul Wasaaraha Israa’iil ayaa ka badbaaday isku day dil kaddib markii diyaaradaha duulliye la’aanta ee Xisbullaah lagu beegsaday meel uu joogay Benjamin Netanyahu halkaas uu kula kulmi rabay Saraakiil katirsan ciidankiisa howlgallada wada.
Netanyahu ayaa waqti kooban kasoo daahay goobtaas ay ku dhacday diyaaradda duulliye la’aanta ah ee Drones-ka loo yaqaan, waxaana la baajiyay kulankaas oo markii hore qorshaha ahaa in si qarsoodi ah loo qabto.
Waxa uu billaabay in uu si joogta ah u xirto jaakadaha hubka fudud celiya, sidoo kale waxa uu aad u istaacmaalaa dhismaha dhulka hoostiida laga dhisay si uu uga badbaado gantaallada culus ee lagu beegsanayo goobaha lagu garan ogyahay.
Warbaahinta qaar ayaa kusoo warrantay in Ra’iisul Wasaaraha Israa’iil Benjamin Netanyahu uu qorsheynayo in uu ku shaqeeyo isla markaana uu dego goobo cusub oo aan lagu garaneyn si uu uga badbaado halista uu wajahayo.
La soco wixii kasoo kordha