Ruushka Oo Lagu Eedeeyay Inuu Xuutiyiinta Yemen ka Caawiyo Gantaalo iyo Dayyax gacmeed
Wargeyska Wall Street Journal ayaa ku warramay inuu Ruushka gacan ku siinayo kooxda Xuutiyiinta Yemen , isagoo ku caawinaya macluumaadka xogta dayax-gacmeedka inay si sax ah u beegsadaan maraakiibta ay weerarrayaan, tan oo ay dheertahay inuu Ruushka sidoo kale awood siinayo gantaallada iyo diyaaradaha aan duuliyaha lahayn ee Xuutiyiinta si ay u gaaraan bartilmaameedyada la beegsanayo.
Sidoo kale waxa la sheegay in xogta nidaamka dayax-gacmeedka inuu Ruushka u diro xubno ka tirsan ilaalada kacaanka Iran oo ku sugan gudaha Yemen oo gacan ka siinaya Xuutiyiinta horumarinta weerarrada ay qaadayaan.
Warbixinta ayaa lagu sheegay ujeeddada uu Ruushka u taageerrayo Xuutiyiinta inay tahay sidii uu Mareykanka ugu mashquulin lahaa xiisadda bariga dhexe , taa oo saameyn ku yeelanaysa taageerrada Mareykanka uu siinayo Ukraine.