Eygii Madaxweyne Biden oo laga saaray Aqalka Cad kaddib dhibaatooyin uu geestay
Xarunta Aqalka Cad ee looga arrimiyo dalka Mareykanka ayaa laga saaray eygii uu lahaa madaxweyne joe Biden, kaddib markii eygaasi uu waxyeelo dhaawac ah gaarsiiyay qaar kamid ah shaqaalaha Aqalka Cad.
Eyga qoyska madaxweyne Biden ee labada jirka ah ahna nooca Jarmal Shepherd, ayaa laga saaray xarunta Aqalka Cad, waxa uuna eygan siyaabo kala duwan waxyeelo ugu geestay ilaalo iyo wakiillo katirsan adeegga sirta ee madaxweynaha.
Elizabeth Alexander, oo ah agaasimaha isgaarsiinta ee marwada Biden, ayaa sheegtay in eygii labo jirka laga saaray aqalka Cad, waxa ay xustay in Biden iyo xaaskiisa ay si qoto dheer u daneynayeen amniga shaqaalaha Aqalka Cad iyo kuwa amniga ee ilaaliya iyaga.
Waxa ay sheegtay afhayeenka in madaxweynaha iyo marwada koowaad ay ka mahadcelinayaan dulqaadka iyo taageerada adeegga sirta ee Mareykanka iyo dhammaan dadka ku lugta leh, kuwaa ay xustay in ay sii wadeyn ka shaqeynta xalalka loo baahnaa.
Eyga labo sanno jirka ah ay leeyihiin qoyska madaxweyne Biden ayaa markii ugu dambeesay Sabtidii lagu arkay balakoonka guriga madaxweynaha, lamana shaacin hadda goobta rasmiga ah ee loo wareejiyay aygan dad cunka noqday.