Trump oo gaaray Magalada New York, xilli Maxkamadeyntiisu ka bilaabaneyso
Madaxweynihii hore ee Maraykanka Donald Trump ayaa ka degay magaalada New York ka dib markii uu ka soo duulay Florida isagoo raacay diyaaradiisa gaarka ah si uu u wajaho eedeymo la xiriira baaritaan ku saabsan lacag laaluush ah oo la siiyay haweeney xiddig qaas si ay qariso galmo uu la sameeyey intii uu ku jiray ololaa doorashadii uu horey ugu guuleystay ee Madaxweynaha Mareykanka,
Iyada oo New York ay qaadayso taxaddar xagga amniga ah, Trump ayaa lagu wadaa inuu iska dhiibo Xafiiska Xeer Ilaaliyaha Degmada Manhattan Talaadada, waxayna u badan tahay in laga qaadi doono faraha ka hor inta aan la horgeyn garsooraha dacwada.
Trump oo 76 jir ah, kana tirsan xisbiga Jamhuuriga ayaa doonaya in uu dib u hanto madaxtinimada dalka 2024-ka, waa madaxweynihii ugu horreeyay ee Mareykan ah oo wajahaya eedeymo dambiyeed.
Isagoo kor u qaadaya kooxdiisii sharciga, Trump wuxuu shaqaaleysiiyay Todd Blanche, oo ah qareen caan ah oo difaaca dambiyada cadaanka ah, horena u ahaan jiray dacwad oogaha federaalka, si uu u hogaamiyo difaaciisa, laba ilo oo arrintan la socda ayaa yiri. Blanche iyo qareenada kale ee Trump ayaa isniintii ku booriyay xaakimka in uusan ogolaanin muuqaalo, sawiro iyo idaacad laga sii daayo dacwada.
Xafiiska Xeer Ilaaliyaha Degmada Manhattan Alvin Bragg ayaa sheegay in ay u dayn doonto go’aanka garsooraha, laakiin waxa uu xusay in Merchan ay ogolaatay tiro xadidan oo sawiro ah ka hor dacwad ciqaabeedkii sanadkii hore oo shirkadda hantida maguurtada ah ee Trump lagu helay dambi canshuur.
Kahor eedeymaha, xeerbeegtida weyn ee Manhattan waxay maqleen cadaymo ku saabsan lacag dhan $130,000 oo la siiyay jilaa filimada qaangaarka ah ee Stormy Daniels maalmaha sii ololaha doorashada 2016. Daniels ayaa sheegtay in lacag la siiyay si ay uga aamusto kulan galmo ah oo ay kula yeelatay Trump hotel ku yaala Lake Tahoe 2006. Trump ayaa beeniyay in uu xiriir noocaas ah la sameeyay.