USA : Soomaali Dil Iyo Dhaawac Loogu Geystay Magaalada Minneapolis.
Waxaa Magaalada Minneapolis ee dalka Mareykanka fal isugu jiray dil iyo dhaawac loogu geystay saacadihii lasoo dhaafay laba wiil oo Soomaali ahaa, kana mid ahaa Soomaalida kunool Minneapolis.
Warar la helayo ayaa sheegaya in wiilashada oo dhallinyaro ahaa midna la dilay, halka mid kalena uu soo gaaray dhaawac fudud, isla markaana waxaa dubadii loola cararay midka dhaawacmay Isbitaal.
Ciidanka Booliska ayaa maanta warbaahinta la wadaagay dhimashadda iyo dhaawaca ay toogashadu sababtay ee loo geystay ragga Soomaalida ahaa .
Booliska Magaalada Minneapolis ee dalka Mareykanka ayaa ka gaabsaday in ay sheegaan magacyadda iyo jinsiyadda wiilasha, balse dad xog ogaal ah ayaa xaqiijiyay in dhallinyarada waxyeelada gaartay ay Soomaali yihiin.
Magaalada Minneapolis ee dalka Mareykanka ayaa kusoo laab-laabtay falalka toogashada ah ee loo geysanayo dad ay ku jiraan Soomaali, waxaana Mareykanka horey loogu dilay Imaan caan ka ahaa dalkaas.