Cudur Halis Ah Oo Ka Dillaacay Dowlad Degaanka Soomaali Galbeed
Hay’adda Caafimaadka Adduunka ee WHO ayaa sheegtay in xannuunka Dengue ee caanka ku ah qandhada uu ka dillaacay qeeyba ka mid ah gobolka Soomaalida ee Itoobiya.
Ilaa iyo 207 xaaldood oo looga shakiyay inuu xannuunkaasi yahay ayaa ilaa iyo hadda laga soo weriyay gobollada Dolo iyo Liibaan.
WHO waxay sheegtay in la sameynaya baaritaanno dheeraad ah oo lagu xaqiijinaya jiritaanka cudurka, waxyan intaasi ku dartay in baaritaannadaasi lagu sameynaya shaybaar ku yaalla Hawassa.
Deegaannaadaasi ayuu isla xannuunkan Dengue horay uga dillaacay sannadihii 2017 iyo 2018.