Wararkii Ugu Dambeeyay Shirka Murashaxiinta Madaxwayne Ee Somaliya Uga Magaalada Muqdisho
Magaalada muqdisho waxaa weli ka socda shirka Musharixiinta Madaxweynaha Soomaaliya, kaas oo ay kaga hadlayaan Arrimaha doorashooyinka dalka iyo Guddiyada doorashooyinka oo ay kasoo horjeesteen.
Ka qaybgalayaasha shirka ayaa sheegay inay kordhiyeen muddada shirka si ay usii ballaariyaan wadatashiga, waxaana Maanta uu galay maalintii Shanaad, hayeeshee la filayo in Maanta la soo geba-gabeeyo.
Maalmihii dhowaa ayaa waxaa shirka ku biirayey dhinacyo kala duwan sida odayaasha dhaqanka, culimada, ururada bulshada rayidka iyo hoggaanka labada Aqal ee baarlamaanka iyo Xubno kale.
Shalay Xubnaha musharixiinta waxaa ay shir qadka Internetka kula yeesheen Wakiillada beesha Caalamka oo fadhigoodo yahay Xalane, waxaana ay kala hadleen xaaladda Soomaaliya gaar ahaan doorashooyinka.
Warraka shirka laga helayo ayaa waxaa ay sheegayaan in Maanta ay si adag uga doodayaan sida ay ka yeelayaan Guddiyada doorashooyinka hadii dowladda Soomaaliya ay bdel ku sameyn weeyso, iyada oo la filayo inay go’aano soo saaraan.