Trump oo si rasmi ah u qoray amarka ciidanka Mareykanka looga saarayo Soomaaliya iyo goorta ay ka baxayaan
Wargeyska New York Times ayaa qoray in Madaxweynaha Mareykanka ee laga guuleystay ee Donald Trump uu qorsheynayo in Soomaaliya uu ka saaro Ciidanka dowladda Mareykanka ee ka jooga inta uusan xilka wareejin horaanta sanadkan Cusub.
Donald Trump ayaa la sheegay inuu doonayo in Ciidanka Mareykanka laga saaro Soomaaliya, kuwaasi oo gaaraya ilaa iyo 700 oo Askari, waxaana tallaabadan ay aheyd mid muddooyinkii dambe aad loo hadal haayay.
Sidoo kale Madaxweynaha waqtigiisa dhammaaday ee Trump ayaa Ciidanka Mareykanka ka saari doona dalalka Afgaanistaan iyo Ciraaq, isagoo la filayo in tallaabooyinkaas uu qaado inta ka horeysa 20-ka Bisha koowad ee Sanadka 2021.
Ciidamada Mareykanka ee ku sugan gudaha dalka Soomaaliya ayaa tababaro kala duwan siiya Ciidanka Xooggan dalka gaar ahaan kuwa Kumaandooska ee DANAB, isla markaana ka qeyb qaatay howlgal Culus oo deegaano ka tirsan Gobolada Soomaaliya laga fuliyay.