Ururka Daalibaan Oo Beeniyey Inay Afganistan La Saxiixanayan Heshiis
Afhayeenka Xafiiska Siyaasadda ee Ururka Daalibaan, Naciim Wrdak waxa uu gashaanka ku dhuftay Wararka sheegayo inay Qoraal Codsi Nabadeed u gudbin doonaan Dowladda Afganistan kulan dhici doona bisha soo socota ee Agost.
Waxa uu tilmaamay inuusan jirin Warkaasi oo ay Wakaalladda Wararka REUTERS ka soo xigatay Afhayeenka Rasmiga ee Daalibaan, Zbihullaahi Mujaahid.
Afhayeenka waxa uu tilmaamay inkastoo ay Dalibaan gacanta sare leedahay, haddana waxaa ka go’an in Heshiis laga gaaro colaadda Afganistan.
Dhinaca kale, Saraakiisha Ammaanka ee Reer Galbeedka waxay sheegeen inay Dagaalamayaasha Daalibaan qabsadeen in ka badan 100 Degmo, balse, Kooxda Daalibaan waxay sheegeen inay mamulaan in ka badan 200 Degmo oo ku yaalla 34 Gobal oo ka tirsan dalka Afganistan.