Trump Oo Natiijo Hordhac Ah Ka Shaaciyay Doorashada Mareykanka
Donald Trump ayaa ka soo muuqday qolka yare e ku yaalla dhanka Bari ee Aqalka Cad. Wuxuu billaabay in uu u mahadceliyo qoyskiisa iyo taageerayaashiisa xalay isu soo baxay.
“Waxaan isu diyaarineynay dabaaldegga wayn,” ayuu yiri. “Waxaan ku guuleysaneynay wax kasta.”
Isagoo u hadlayay sida qof guul weyn gaaray, wuxuu Trump u dabaaldegay guushii xalay uu ka gaaray Florida. “Guul keli ah ma ahan, waa mid aan ku uruursanay dhammaan,” ayuu yiri.
Wuxuu sidoo kale sheegtay in uu hoggaaminayo Pennsylvania, waa sida uu xalay fiidkii sameeyay Joe Biden. Way adag tahay in xilligan la sii saadaaliyo qofka ku guuleysanaya gobolkaas.
Sidoo kale Iyadoo malaayiin codad ah aan weli la tiring ayuu Donald Trump ku dhawaaqay inay guushu isagu raacday. “Waan ku guuleysannay doorashadan,” ayuu yiri, isagoo si adag u hadlaya. Isadoo aan caddeyn bixin ayuu sheegay in “ku shubasho” ay dhacday.
“Tani waxay ceeb ku tahay dalkeenna,” ayuu yiri, isagoo intaas ku daray inuu qorsheynayo inuu aado Maxkamadda Sare si uu uga dacwoodo natiijada doorashada.