Ra’iisul Wasaaraha Israel Benjamin Netanyahu oo Qaliin dhanka Wadnaha ah galay.
Ra’iisul Wasaaraha Israel Benjamin Netanyahu ayaa sheegay in uu galay qaliin dhanka wadnaha ah oo waxaa lagu rakibay qalabka macmalka ah ee ka shaqeysiiya wadnaha bani aadamka kaddib markii dhaqaatiirtiisa sidaas ay usoo jeediyeen.
Xannuun aan kala joogsi lahayn ayuu sheegay in todobaadyadii u dambeeyay uu la kulmayay Ninkaan dib loo doortay lex bil kahor oo dhowaan ku fuuq-baxay isbaddelka cimillada sida ay sheegeen mas’uuliyiin katirsan Xafiiskiisa.
Benjamin Netanyahu ayaa tilmaamay in uu dareemay xannuun kusoo noqnoqday muddooyinkii dambe oo dhanka wadnaha ah, waxaana uu sheegay in waajibaadka shaqo ee saaran uu sidaas uga fasax qaadanayo.
Wasiirka Caddaaladda Israel Yariv Levin ayaa sii wadaya shaqada Ra’iisul Wasaare Benjamin Netanyahu ee wadnaha ka xannuunsanaya muddada uu ku jiro Isbitaalka iyo marka uu daryeelka caafimaad ee nasashada ku qaadanayo gurigiisa.
Isbitaalka Tel Hashomer ayuu qaliinkaan ku galay Ra’iisul Wasaare Netanyahu, waxa uu suuxsanaa saacadaha qaliinka uu ku jiray iyada oo fariin uu soo diray ku sheegay in isaga oo ku sugan Isbitaalka uu codkiisa ka dhiiban doonno isbaddelka Garsoorka ee muranka dhaliyay.