Meydka Sarkaal Ka Tirsan Madaxtooyada Oo Laga Helay Hotel Ku Yaal Muqdisho
Meydka Sarkaal ka tirsan Ciidanka Ilaalada Xarunta Madaxtooyada Soomaaliya ayaa waxaa saacadihii lasoo dhaafay laga dhex helay Hotel ku yaalla Magaalada Muqdisho, sida ay sheegayaan wararka la helayo.
Meydka Saraalka ayaa laga helay Hotel lagu magacaabo Ridwaan oo ku yaalla Xaafad ka tirsan Degmada Xamar-Jajab ee Gobolka Banaadir, waxaana la sheegay in Sarkaal la dilay.
Weli lama oga wax sababay dhimashada Saraalka oo magacaabiisa lagu soo gaabiyay Shariif, isla markaana kamid ahaa Ilaalada koofi casta ee Xarunta Madaxtooyada Soomaaliya.
Wararka ayaa intaas kusii daraya in Meydka Marxuum Shariif la geeyay Xarunta hay’addaha CID-da, waxaana socda baaritaano kala duwan oo ku aadan dilkiisa, sidoo kalena waxaa la sheegay in la xiray milkiilaha hotelka Ridwaan.