Maxay ka wada hadleen Madaxweyne Xasan Shiikh iyo dhigiisa Turkiga?
Madaxweynaha Dowladda Federaalka Soomaaliya, Xasan Shiikh Maxamuud iyo wafdi uu hoggaaminayo oo safar ku jooga dalka Turkiga ayaa dhiggiisa Madaxwayne Rajab Dayib Erdogan la yeeshay kulamo looga hadlay iskaashiga labada dal.
Madaxwaynaha ayaa la kulmi doona dhiggiisa Turkiga, iyaga oo ka wada hadli doona sidii loo sii xoojin lahaa iskaashiga iyo xiriirka soojireenka ah ee ka dhexeeya labada dal, gaar ahaan iskaashiga dhanka militariga, amniga, xoojinta dagaalka AS.
“Wada hadalkooda ayaa diiradda lagu saaray xoojinta xiriirka Soomaaliya iyo Turkiga, iyadoo diiradda lagu saaray iskaashiga labada dhinac ee dhinacyada amniga, difaaca, iyo dadaallada la dagaalanka argagixisada” ayaa lagu yiri qoraal lagu daabacay Madaxtooyadda Soomaaliya.
Madaxweynaha ayaa maalmihii la soo dhaafay waday dardar galinta dagaalka ka dhan ah AS ee ka socda dalka, isaga oo tagey deegaanno badan oo ka tirsan Dowlad Goboleedka Hirshabeelle.
Soomaaliya iyo Turkiga leh xiriir taabanaya dhinacyada amniga, militariga, ganacsiga, dhaqaalaha buluugga, tamarta iyo waxbarashada.