Mareykanka oo Soomaaliya ka reebay dalalku canshuuraha ku soo rogay
2-dii April, Mareykanka ayaa canshuur cusub kusoo rogay dhammaan dalalka dunida, marka laga reebo dhowr wadan oo ay ku jirto Soomaaliya, Burkina Faso iyo Western Sahara.
Soomaaliya ayaa ka mid noqotay saddexda wadan ee Afrika ka tirsan ee aan la saarin canshuurta, taasoo dhalisay hadal hayn badan. Qaar ka mid ah falanqeeyeyaasha ayaa sheegay in sababta laga yaabo inay tahay in Mareykanku aysan Soomaaliya wax badan u dhoofin, sidaas darteedna aysan saameyn ku yeelan dhaqaalihiisa.
Western Sahara oo aan si rasmi ah u ahayn wadan madax-bannaan iyo Burkina Faso oo xiriirkoodu xadidan yahay ayaa sidoo kale la reebay, taasoo muujinaysa in canshuurta cusub diiradda saarayso dalalka leh xiriir ganacsi oo xooggan.
Mareykanka ayaa wuxuu canshuuro ku soo rogay dalal badan oo caalamka ah, sida Shiinaha.