Hoggaamiyaha Kuuriyada Waqooyi oo sheegay in ay kordhinayaan soo saarista Diyaaradaha aan duuliyaha laheyn
Hoggaamiyaha Kuuriyada Waqooyi Kim Jong Un ayaa sheegay in dalkiisa dardar galinayo soo saarista diyaaradaha aan duuliyaha laheyn, kuwaasi oo awooda in ay ku shaqeeyaan Caqliga macmalka ah.
Wakaaladda wararka ee KCNA ayaa sheegtay in Kim uu kormeeray tijaabada noocyo kala duwan oo sahamin ah iyo diyaaradaha aan duuliyaha lahayn ee ay soo saartay Kuuriyada Waqooyi ee aan duuliyaha lahayn.
Kim ayaa tilmaamay in muhiimad gaar ah ay siinayaan soo saarista diyaaradaha aan duuliyaha lahayn ee ku shaqeeya Caqliga-macmalka, si ay ula qabsadaan Tiknoolajiyadda Caalamiga.
Diyaaradahan ayaa loo adeegsan karaa weerarada Ismiidaaminta iyo Sahanka, waxaana isticmaala Militeriga xilliyada dagaalka.
Xukuumadda Kuuriyada Koonfureed ayaa ka digtay suurtagalnimada in qalabka ay soo saarto Kuuriyada Waqooyi ay helaan millatariga Ruushka oo ku jira dagaalka Ukraine.