Dadkii ku dhintay Dagaalka Laascaanood oo xabaal-wadareed loo sameeyay!
Magaalada Laascaanood xarunta Gobolka Sool oo ay ku dagaalamayaan Ciidamada Somaliland & Dadka deegaanka waxaa lagu aasay in ka badan 10 ruux oo rayid u badan oo ku dhintay dagaalladii u dambeeyay ee ka dhacay Magaaladaas.
Mas’uuliyiin katirsan maamulka gacanta ku haya Laascaanood, Xildhibaanno katirsan Golaha Deegaanka ee Somaliland u dhistay Magaalada Laascaanood iyo xubno kale oo u badan garaadada dhaqanka ayaa ka qaybgalay aaska.
Kahor inta aan la duugin (La aasin) waxaa la diiwaangeliyay Magacyada Marxuumiinta, Sawirradooda iyo dhammaan xogtooda sida ay sheegeen mas’uuliyiin katirsan maamulka gacanta ku haya inta badan Laascaanood.
Dadka dhaawaca soo gaaray waxaa la dhigay goobaha caafimaadka ee Laascaanood, qaar kamid ah dadkaas waxaa loo gudbiyay Magaalada Garoowe xarunta DG Puntland si daryeelka dheeraadka ah ay u baahan yihiin u helaan.
Wararka ka imaanaya Garoowe ayaa sheegay in qaar kamid ah Dhaawacyada la geeyay xarunta DG Puntland in la qorsheynayo sidii loogu soo qaadi lahaa Magaalada Muqdisho si looga daweeyo dhaawacyada soo gaaray.
La soco wixii kasoo kordha.