Wasiirka Warfaafinra Soomaaliya Oo Ka Hadlay Safarka La Sheegay Inuu Farmaajo Ku Tegayo Hargeysa
Wasiirka Warfaafinta Xukuumadda Federaalka Maxamed Cabdi Xayir Maareeye ayaa Maanta waxaa uu la hadlay wararka sheegaya in Madaxweyne Maxamed Cabdullaahi Farmaajo uu safar ku tegi doono Magaalada Hargeysa.
Wasiir Maareeye oo wareysi lala yeeshay ayaa waxaa uu sheegay in uusan wax war ah kaheyn Safarka la sheegay in Farmaajo uu tegayo Hargeysa, isla markaana arrintaas uu ka hadli karin.
Wasiirka Warfaafinta Xukuumadda Federaalka Maxamed Cabdi Xayir Maareeye ayaa waxaa uu tilmaamay in shacabka iyo Madaxda Somaliland looga baahan yahay inay iska daayaan buuqa badan ayna la yimaadan siyaasaad wanaagsan.
Isaga oo sii hadlaayay Wasiirka ayaa waxaa uu sheegay in hadii ay dhacdo in Madaxweyne Farmaajo uu tagayo Hargeysa aysan wax dhitaabo ah laheyn, isla markaana waxaa uu Somaliland uu ka codsaday inay soo dhaweeyaan Madaxweynaha.