Uganda oo xoojisay amaanka xadka ay la wadaagto Kenya
Ciidamada amniga Uganda ayaa xoojiyay amaanka xadka ay la wadaagaan dalka Kenya gaar ahaan galbeedka Kenya si looga hortago falalka Argagixiso.
Saraakiisha dhanka amniga gaar ahaan booliska ayaa baaraya gawaarida buses-ka ah oo dadweynaha raacaan iyada oo la fiirinayo aqoonsiyada ay wataan.
Mid ka mid ah Rakaab maalmo ka hor u safray magaalada kampala ayaa Universal u sheegtay in heegan ka sare ee la galiyay ciidanka amniga xadka uu ka duwan yahay sidii hore.
Arintaan ayaa imaaneysa 10 maalin kadib markii weerar xoogan ay dagaalyahanada Al shabaab ku qaadeen hotelka Dusit ee magaalada Nairobi kaasi oo ay ku dhinteen 21 ruux.