Madaxweyne Farmaajo Oo Maanta Furaya Kalfadhiga 6-Aad Ee Baarlamaanka Dalka
Maanta oo arbaco ah ayaa lagu wadaa in uu furmo Kalfadhiga 6aad ee baarlamaanka Federaalka Soomaaliya, kadib Labo bil fasax ah oo ay xildhibaannadu ku maqnaayeen.
Madaxweynaha Jamhuuriyadda Federaalka Soomaaliya Maxamed Cabdullahi Farmaajo ayaa lagu wada in uu maanta furo kalfadiga lixaad ee Golaha shacabka iyo aqalka sare, waxaana la filayaa in uu madaxweynaha uu khudbadiisa kaga hadlo arrimo badan.
Sidoo kale Munaasabada furitaanka kalfadiga lixaad ee Golaha shacabka ayaa waxaa marti ku ah Guddoomiyaha Baarlamaanka dalka Jabuuti Maxamed Cali Xaamu oo haatan ku sugan Baydhabo iyo Guddoomiyeyaasha Golaha Shacabka iyo Aqal Sare ee dalka,Xildhibaano Safiiro iyo Mas’uuliyiin oo ka tirsan dowladda oo lagu Casuumay.
Kalfadhiga lixaad ayaa maanta ka furmaya Xarunta Booliska ee Jeneraal Kaahiye,isla markaana waxaa haatan socota qaban-qaabadii ugu dambeysay ee Munaasabadda.