Madaxwayne Joe Biden Oo Lugu Soo Dhaweeyay Waqooyiga Ireland Iyo Ujeedada Socdaalkiisa
Ra’isal wasaaraha Britain Rushi Sunak ayaa Belfast ku soo dhaweeyey madaxweynaha Mareykanka Joe Biden, iyada oo hoggaamiyaha Mareykanka uu booqasho gaaban ku tagay Waqooyiga Ireland.
Labada hoggaamiye waxay xusayaan sannad-guuradii 25-aad ee ka soo wareegtay heshiiskii Good Friday, kaas oo gacan ka gaystay soo afjaridda colaaddii tobannaanka sano socotay.
Mr Biden wuxuu ka hadlayay xarunta cusub ee Jaamacadda Ulster ee Belfast, oo ah ka-qaybgalkiisa kaliya ee rasmiga ah ee Waqooyiga Ireland.
Waxa uu ugu baaqay siyaasiyiinta in ay dib ugu soo laabtaan awood qeybsiga Stormont, isaga oo intaa ku daray in Waqooyiga Ireland “aysan dib ugu laaban doonin” maalmihii rabshadaha.
Fursadaha dhaqaale ee Waqooyiga Ireland waxay ahaayeen “bilow” dhalinyaradana waxay ku jireen “geeska goynta” mustaqbalka, madaxweynuhu wuxuu ku daray.