Joe Biden oo difaacay go’aankii uu ciidamada Maraykanka ugaga saaray Afghanistan
Madaxweyne Joe Biden ayaa si adag u difaacay go’aankiisii ahaa in ciidamada Mareykanka laga saaro Afghanistan wuxuuna diiday dhaleeceyn ballaaran oo ku aaddan bixitaankii ciidamada Maraykanka taasoo dhalisay in Daalibaan la wareegay maamulka dalka Afghansitan.
Biden ayaa sheegay in howlgalka Mareykanka uusan marnaba ahay dhisme qaran,waxana uu ku eedeeyay qabsashada Talibanka ee dalka inay tahay rabitaan la’aanta ciidamada Afghanistan inay la dagaallamaan kooxda xagjirka ah.
Kumanaan qof oo rayid ah oo quus ka taagan inay ka qaxaan Afgaanistaan ayaa buux dhaafiyay waddada kaliya ee garoonka diyaaradaha ee Kabul Isniintii ka dib markii Taliban ay qabsadeen caasimadda, taasoo keentay in Mareykanka uu joojiyo daad -gureynta maadaama ay la kulmeen dhaleeceyn badan oo gudaha ah.
Shan qof ayaa la sheegay inay ku dhinteen fowdada. Sarkaal Mareykan ah ayaa wakaaladda wararka ee Reuters u sheegay in laba dabley ah ay ciidamada Mareykanka halkaas ku dileen 24 -kii saac ee la soo dhaafay.
“Waxaan si buuxda u taageersanahay go’aankeyga,” ayuu yiri Biden. “20 sano ka dib waxaan bartay inaan marnaba la gaareeyn waqti ku habboon in laga saaro ciidamada Mareykanka. Taasi waa sababta aan weli halkaas ay ciidamadu u sii joogeen.”
“Runtu waxay tahay: arrintani waxay u dhacday si ka dhakhso badan sidii aan filaynay. Haddaba maxaa dhacay? Hoggaamiyayaashii siyaasadda Afgaanistaan ayaa quustay oo dalka ka cararay. Milateriga Afgaanistaan ayaa is dhiibay, mararka qaarkood iyagoo aan isku dayin inay dagaallamaan,” ayuu yiri Biden.
Biden wuxuu difaaciisa ku daray digniin ku socota hoggaamiyeyaasha Daalibaan oo aan inaan la carqaladayn ka bixitaanka Mareykanka hadii la isku dayana ay la kulmi doonaan awood xoog leh.