Waxaa saakay xiran inta badan goobaha ganacsiga iyo waxbarashada ee kuyaalla magaalooyinka waa weyn ee dalka Kenya, kaddib cabsi laga muujiyay dibad-baxyo rabshada wata ay dhigaan taageerayasaha mucaaradka Kenya.
Ra’isul Wasaarihii hore ee dalka Kenya Raila Odinga ayaa iclaamiyay in ay dhigayaan dibad-baxyo xiriir ah muddo saddex maalin ah oo ka bilaabanaya maanta oo Arbaco ah, waxaana looga soo horjeedaa dibad-baxyada dowladda uu hoggaamiyo madaxweyne Ruto.
Ciidamo badan oo isugu jira booliis iyo milatari ayaa dowladda saakay dhoobtay waddooyinka magaalada Nairobi iyo magaalooyin kale , ciidanka ayaana dowladda ammartay in ay kahor tagaan dibad-baxyo rabshada wata in ay dhacaan.
Goobaha ganacsi ee kuyaalla magaalada Nairobi ayaa saakay intooda badan xiran, waxaa sidoo kale la fasaxay ardayda wax-kabarata iskuulada iyo jaamacadda kuyaalla dalka Kenya, cabsi laga qabo dibad-baxyada owgeed.
Dibad-baxyada xiriirka ah ay ku baaqeen mucaaradka Kenya ayaa saameyn badan ku yeelaneysa dad badan oo kunool goobaha ay ka dhacayana dibad-baxyada, waxa ayna dowladda uga digtay kooxaha dhigaya dibad-baxyada in ay rabshado sameeyaan.