Warbaahinta Israa’iil ayaa qortay warbixinno ay ku faah-faahineyso weeraro Bisad duureed kasoo gudubtay dhinaca Jamhuuriyadda Carbeed ee Masar ka geysatay deegaanno dhaca Xad-beenaadka ay la wadaagaan Dalkaas.
Bisaddu waxa ay beegsatay qaar kamid ah Ciidamada Israa’iil oo u dhintay dhaawaca kasoo gaaray qaniinyo iyo xagasho ay isugu dartay, kuwa dhaawacmay ayaa la dhigay goobo caafimaad si loo daweeyo sida hadalka loo dhigay.
Dhirirka Bisaddu waa 60 ilaa 130 Sintimitir, iyada oo Xawaaraheeda dhexdhexaadka ah ku socota ayay dhexda ka gashay xero ay joogaan Ciidamo Yuhuud ah oo ku sugnaa mid kamid ah difaacyada xadka dhinaca Masar.
Markii ay Bisaddu fulisay weerarka dib ayay ugu laabatay dhulkii ay ka tagtay ee Masar waana tan keentay in hadal hayn badan dhaliso maadaama aan la ogeyn sababta keentay in ay fuliso weerarka intaas la eg dibna ugu laabato halkii ay ka timid.
Qaar kamid ah Askarta dhaawaca soo gaaray oo laga xog-wareystay sida ay dhibaatadu usoo gaartay ayaa sheegay in ay ka war heleen Bisadda oo marqura kusoo booday kaddibna dhibaatada laga daweynayo gaarsiisay.
Inta ay Ciidamada Israa’iil dagaallada kula jiraan Shacabka Falastiin ee Magaalada Gaza ayaa la diiwaangeliyay dhacdooyin mar la arag ah sida Shinni weerartay, Roob ay u adkeysan waayeen oo ku da’ay iyo xannuun dhinaca maskaxda ah oo ay saraakiisha & ciidamadu qaadeen.