Wararkii Ugu Dambeeyay Dagaalka Garawe iyo Xabbad-joojin ay ku dhawaaqeen Isimada oo…
Dagaal culus oo la isku adeegsaday hubka nuucyadiisa kala duwan ayaa xalay ka dhacay magaalada Garawe ee caasimadda Puntland, labada dhinac ee is haya ayaana xalay isku adeegsanayay hubka nuucyadiisa kala duwan.
Waxaana saakay wali earaa laga maqlayaa magaalada Garawe, waxaana fashilmay xalay waan waan ay isimada dhaqanka Garawe ka dhax wadeen labada dhinac ee dagaalanaya iyo xabbad-joojin ay ku dhawaaqeen.
Dar-yanka rasaasta ayaa laga maqlayaa qeybo kamid ah magaalada Garawe, waxaana wali magaalada ka socda barakac xooggan oo ay sameenayaan shacabka yar ee wali ku harsan aagaga lagu dagaalamayo.
Khasaaraha dhimasho iyo midka dhaawac ee ka dhashay dagaalka ka socda magaalada Garawe ayaa sii kordhaya, waxaana dadka ugu badan ee dagaalka ku dhintay yihiin labada ciidan ee dagaalanaya.
Baaqyada nabadeed ee loo dirayo madaxda maamulka Puntland iyo siyaasiyiinta mucaaradka ayaa sii kordhaya, waxaana muuqata in dhinacyada is haya dhagaha ka fureesteen baaqyada nabadeed ee loo dirayo.
Waxii warar ah ee soo kordha kala soco wararjayaga dambe Insha Allah