William Ruto oo hoggaamiyaasha Afrika ugu baaqay in ay qaadaan talaabooyin ay meesha uga saarayaan isticmaalka lacagta dollar-ka
Madaxweynaha Kenya William Ruto ayaa ka codsaday hoggaamiyeyaasha Afrika in ay qaadaan tillaabooyinka ugu horreeya ee ku aaddan sidii ay meesha uga saari lahaayeen lacagta dollarka ah ee adduunka oo dhan, iyaga oo saxiixday nidaam lacag-bixineed oo Afrikaan ah si loo fududeeyo ganacsiga qaaradda.
Dr Ruto ayaa ku booriyay saaxiibadiisa Afrika in ay abaabulaan bangiyada dhexe iyo kuwa ganacsiga si ay ugu biiraan Pan-African Payments and Settlement System (PAPSS) oo la bilaabay Janaayo 2022-kii.
Nidaamka ganacsiga Afrikada dhexe waxaa soo saaray African Export-Import Bank (Afreximbank) iyo African Continental Free Trade Area (AfCFTA). Qorshahaan waxaa taageeray Midowga Afrika iyo bangiyada dhexe ee Afrika.
“Dhammaanteen waxa aan ku dhibtooneynaa in aan bixinno lacagaha badeecadaha iyo adeegyada dal illaa waddan kale sababtoo ah kala duwanaanshaha lacagaha. Waxaana arrimahaas oo dhan dhexda u ah, dhammaanteen waxaa nalagu sarifay jawi dollar,” Madaxweyne Ruto ayaa hadalkaan ka sheegay madal ay ku kulmeen mas’uuliyiin ka tirsan dowladda iyo kuwa gaarka loo leeyahay oo ka qeyb galayay madasha AfCFTA ee Nairobi.
“Waxaa jirtay hannaan ay dhammaan ganacsatadeenna ku kala iibsan karaan lacagta dalka, waxaan u dhaafnay bangiga Afrexim si uu u dejiyo dhammaan lacagaha la bixiyo. Ma aha in aan doollar raadino; Ganacsatadeenu waxa ay xoogga saari doonaan raditaannada badeecadaha iyo adeegyada,” ayuu sii yiri Madaxweyne Ruto.
Ganacsatada wax soo dejiya sida kuwa wax iibiya iyo kuwa wax soo saara ayaa tan iyo sannadkii hore ka cabanayay is-waafajin la’aan dhanka dalabaadka iyo saadka lacagta doolarka ah, taasoo keentay inay ku iibsadaan dufcad iyo heer ka sarreeya qiimaha rasmiga ah.
Horaantii bishan, Madaxweyne Ruto waxa uu sheegay in Kenya sannadkii hore ay samaysay suuq macmal ah oo lagu sarifto lacagta macmalka ah, taas oo sababtay shidaal yari, oo keentay in la qaybsado badeecadaha muhiimka ah.