Dowladaha Iran Iyo Imaaraadka Oo Qorshaynaya In Ay Dib U Soo Nooleeyaan Xidhiidhkii Dhexdooda
Wasiirka arrimaha dibadda ee Iran, Hossein Amir Abdollahian, ayaa sheegay in aysan jirin wax xad ah oo ku aadan ballaarinta xiriirka Iran iyo Imaaraadka.
Tani waxay ku timid wada hadal dhanka taleefanka ah oo uu la yeeshay dhiggiisa Imaaraatka, Abdullah bin Zayed Al Nahyan.
Waxaana lagu sheegay bayaan ka soo baxay wasaaradda arrimaha dibadda ee Iran in Amir Abdollahian uu tixraacay baaqiisa ku aaddan horumarinta iyo horumarka xiriirka labada dal, isagoo yiri “ma jiro wax xaddidan oo ku aaddan horumarinta guud ee xiriirka.” Wasiirka Imaaraatka ayaa sidoo kale ammaanay “isbeddellada cusub” iyo “xoojinta iskaashiga gobolka,” oo ay ku jiraan “xiriirka wanaagsan ee Tehran iyo Riyadh iyo xaaladda cusub ee Suuriya.”
Labada dal ayaa tan iyo sannadkii hore qaadayay tallaabooyin lagu xoojinayo xiriirka labada dal, iyadoo safiirkii Imaaraadka ee Iran dib loo celiyay bishii September ee la soo dhaafay, iyadoo Iran ay safiirkeeda u magacowday Imaaraadka 4-tii Abriil.