Canada oo Mareykanka ka iibsaneysa Diyaaradaha F-35 oo ku kacaya $14.2 Bilyan.
Dowladda Canada ayaa dhiggeeda Mareykanka ka iibsaneysa Diyaaradaha casriga ah ee uu sameeyay Dalkaas gaar ahaan nooca loo yaqaan F-35 oo ay adeegsadaan dalal kooban oo Mareykanku ka iibiyay.
Wasiirka Gaashaandhigga Canada Haweeneyda lagu magacaabo Anita Anand ayaa sheegtay in Dowladdiisa si ay u hormariso Ciidamada Militariga ah ay u baahatay in ay Mareyanka kasoo iibsato Diyaaradaha loo yaqaan F-35.
Qiimaha ku baxayaa Diyaaradaha ay Canada kasoo iibsaneyso Mareykanka waa $14.2 B (Toban & afar dhibic labo Bilyan oo Doollar) si kor loogu qaado awoodda Militariga Dalkaas waa sida ay hadalka u dhigtay Wasiir Anita.
Diyaaradda lagu magacaabo F-35 oo kamid ah Diyaaradaha Casriga ah ee Mareykanka uu farsameeyay ayaa u leh in ay duqeyn ka fuliso meelaha bartilmaameedka ah iyada oo aanay la maqlin guux dareen gelin kara Dadka markaas la beegsanayo.
Canada oo inta badan ciidamadeeda la howlgalla askarta waddanka ay xad-wadaagga yihiin ee Mareykanka ayaa damacsan in ay kaalmaha hore kasoo gasho waddamada lagu tilmaamo in ay horumar ku sameeyeen ciidamadooda, hubka & agabka ay heystaan.